Этнофестиваль милли җанлы дусларны очраштырды

"Сарман: иң яңа хәбәрләр", 28 ноябрь 2023 - 17:04

700

Алдан хәбәр иткәнчә, бүген Җәлил икенче санлы урта мәктәбендә татар теле һәм әдәбияты укытучыларының республикакүләм педагогик фестивале уздырылды.

Ул балаларны милли, мәдәни гореф-гадәтләр үрнәгендә тәрбияләү мәсьәләләренә багышланды. Чарада катнашучылар милли үзаң тәрбияләү буенча тәҗрибә уртаклаштылар, халкым мирасын буыннан-буынга күчерүгә нигезләнгән ачык дәрес, мастер-классларда булдылар. Фестивальдә район мәгариф бүлеге начальнигы Гөлшат Идрисова, Казан шәһәренең 20 нче гимназиясе директоры, Бөтендөнья татар хатын-кызларының “Ак калфак” региональ иҗтимагый оешмасы әгъзасы Рәхимә Арсланова, “Татар гаиләсе” оешмасының Әлмәт бүлекчәсе җитәкчесе Гөлия Җамалиева, “Ак калфак” оешмасының Җәлил бүлекчәсе җитәкчесе Гүзәлия Гарипова, “Җәлил чаткылары” әдәби-иҗат берләшмәсе вәкилләре, музей хезмәткәрләре һәм башкалар катнаштылар.
Тулырак “Сарман” газетасының алдагы санында укыгыз.