80 нче йортта яшәүчеләр төзүчеләрне сыйладылар

"Сарман: иң яңа хәбәрләр", 27 сентябрь 2024 - 08:36

463

Район үзәгендәге Куйбышев урамының 80 нче йортында яшәүчеләр ремонтка үз өлешләрен кертәләр.

Алар инде йорт тирәсен гөлбакча итеп, бөтен районны сокландырганнар иде. Инде менә төзүчеләрне хөрмәтләүләре белән дә үрнәк күрсәттеләр. Йортта яшәүчеләр алар өчен төшке аш оештырдылар, тәмле сыйлар белән кунак иттеләр. Шулай итеп, төзелеш эшенә үз өлешләрен керттеләр. Исегезгә төшереп үтәбез: бу йортта быел канализация системасы алыштырылды, фасад яңартыла һәм эш инде ахырына якынлашып килә.