Район автомобиль сөючеләре машина тәрәзәләрен чамадан тыш каралтмыйлар

Татарстан Республикасында ел башыннан башлап машина тәрәзәләрен чамадан тыш каралтуның 6 меңнән артык очрагы теркәлгән. «Тәгәрмәчле транспорт чаралары куркынычсызлыгы турында»гы Таможня берлегенең Техник регламентында күрсәтелгәнчә, транспортның алгы һәм җилдән саклый торган тәрәзәләренең яктылык уздыручанлыгы 70% тан да ким булмаска тиеш.

Бу кагыйдәне бозучыларга 500 сум күләмендә административ штраф яный. Мондый хәл яңадан кабатланса, полиция хезмәткәренең законлы таләбенә буйсынмаган өчен машина хуҗасына ЮХИДИ хезмәткәре эш ачарга тиеш. Моннан тыш, машина хуҗасына 15 тәүлеккә кадәр арест җәзасы яки 500-1000 сум күләмендә штраф каралган.