Районда янгынга каршы режим кертелде
Язгы-җәйге сезонга керүгә, янгыннар чыгу куркынычы арта. 2023 елның шул периодында районда 14 янгын чыгу очрагы теркәлде, шуларның 9ы коры үлән һәм чүп-чар ягу нәтиҗәсендә булды. Янгыннарның барлыкка килүендә җирлек халкының һәм вазыйфаи затларның битарафлыгы, куркынычсызлык таләпләренә җавапсыз каравы, янгынга каршы профилактик чараларның вакытында башкарылмавы сәбәпче.
Татарстан Республикасы Министрлар Кабинеты карары нигезендә, агымдагы елның 22 апреленнән 12 майга кадәр республика территориясендә янгынга каршы махсус режим кертелә. Янгын куркынычлылыгы сезонына әзерлек кысаларында, районның хәвефләргә каршы тору әзерлеге һәм күрелгән чаралары тикшерелде, Җәлил поселогының куркынычсызлык паспорты әзерләнде. Җирлек башлыкларына, оешма җитәкчеләренә тиешле тәкъдимнәр ясалды.
Следите за самым важным и интересным в Telegram-каналеТатмедиа
Нет комментариев