ТР Дәүләт Советы рәисе Фәрит Мөхәммәтшин "Нөркәй" агрофирмасы басуында булды

Бүген көннең икенче яртысында ТР Дәүләт Советы рәисе Фәрит Мөхәммәтшин районга эшлекле сәфәр кылды. Аны муниципаль район башлыгы Фәрит Хөснуллин озатып йөрде.

Фәрит Мөхәммәтшин иң элек «Нөркәй» агрофирмасы басуында авыл хуҗалыгы предприятиеләре җитәкчеләре, авыл җирлекләре башлыклары, механизаторлар белән очрашты, агрофирмада урып-җыю эшләренең барышы белән танышты. Ул районда уракның югары темплар белән баруын билгеләп, сарманлыларның Татарстан икмәгенә зур өлеш кертәчәкләренә ышаныч белдерде. Аннан соң Фәрит Мөхәммәтшин Зур Нөркәй авылында фельдшер-акушерлык пункты ачылу тантанасында катнашты.