Бүген чөгендерчеләрне тәбрикләүнең чираттагысы узды

Бүген чөгендерчеләрне тәбрикләүнең чираттагысы узды. Район башлыгы Фәрит Хөснуллин, Зәй шикәр заводы директоры урынбасары Мидхәт Хисамиев, авыл хуҗалыгы һәм азык-төлек идарәсе начальнигы Альберт Шәрипов, идарәнең җитештерү-маркетинг бүлеге начальнигы Илнур Салихов, агрофирмаларның басу-кырларында булып, татлы тамыр алуда хезмәт куйганнарны тәбрикләп, сертификатлар тапшырып кайттылар. Соңгы 7 көн нәтиҗәләре буенча беренче-икенче урыннарда - "Сарман" агрофирмасы хезмәтчәннәре. Беренчедә Хөснуллин Вәдүт белән Айрат Шәймөхәммәтов экипажы булса, икенчедә - Заһир Шәйхразыев белән Илдар Гыйләҗев. Өченче урынны "Җәлил" агрофирмасы комбайнчылары Айрат Хаҗиев белән Илсур Ильясов экипажы алды. Төягечләр арасында беренчелек - "Сарман" агрофирмасыннан Ринат Илдархановта. Икенче урында - "Җәлил" агрофирмасыннан Муратов Дамир белән Айдар Талипов экипажы. "Нөркәй" агрофирмасыннан Илфат Йосыпов өченче булды. Урыннар агрономнар арасында да билгеләнеп, алдынгылыкны "Нөркәй" агрономы Рөстәм Исмәгыйлев алды. Икенче урында "Сарман"нан Рамил Шакирҗанов. Өченчедә - "Җәлил" агрофирмасы агрономы Булат Вәлиев.

5 нче сентябьгә чөгендер алу буенча нәтиҗәләрне моннан карый аласыз: https://vk.com/doc200499291_450835695