Татарстанга 30 градуслы эсселек килә

3 һәм 4 июльдә республикада һава шартлары циклонның һәм атмосфера фронтларының җылы секторы йогынтысы тәэсирендә формалашачак.

Татарстан синоптиклары бу атнада һава торышының якынча фаразын бирде. 3 һәм 4 июльдә салкын һава торышыннан соң республикага 30 градуслы эсселек килә. Бу хакта Гидрометеорология үзәге матбугат хезмәте хәбәр итә. Сишәмбе, 30 июнь көнне, республика Россиянең Европа өлеше төньяк-көнбатыш районнарының берләшкән антициклон йогынтысында булачак. Көндез урыны белән бераз яңгыр көтелә. Төнлә республиканың көнчыгыш районнарында һава температурасы +3..+8 градуска кадәр төшәчәк, көнбатыш районнарда +6..+11 градус булуы фаразлана. Көндез термометр баганасы +19 градустан югарырак күтәрелми. Чәршәмбе көнне төбәктә явым-төшем булу ихтималы аз. Төнлә һава температурасы +4..+9 градуска кадәр, көндез +19.. +24 градуска кадәр булачак. 2 июльдә республика Ерак Төньяк циклонының атмосфера фронтлары йогынтысы зонасында булачак. Урыны белән яңгыр явачак. Кайбер районнарда көндез яшенле яңгыр һәм секундына 15-20 метрга кадәр тизлектәге кыска вакытлы җил көтелә. Температура төнлә +9.. +14 градуска, көндез +21 градустан +26 градуска кадәр күзәтеләчәк. Якынча фаразлар буенча, 3 һәм 4 июльдә республикада һава шартлары циклон һәм атмосфера фронтларының җылы секторы йогынтысы тәэсирендә формалашачак. Һава торышы тотрыксыз характерлана, урыны белән кыска вакытлы яңгыр һәм яшен булуы көтелә. Температура сизелерлек күтәрелә: төнлә +12..+17, көндез +26..+31 градус була, дип фаразлый синоптиклар.
 

Чыганак

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    5 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша