Җиңүчеләрнең исемнәре әлегә сер булып кала

Габдулла Тукайның тууына 132 ел тулу уңаеннан без сайтыбызда «Мин Тукайны яттан беләм» дип исемләнгән шигырь бәйгесе игълан иткән идек. Аның шартлары буенча, Интернет кулланучылар, нинди яшьтә булуларына карамастан, шагыйрьнең берәр әсәрен сөйләгәнне видеога яздырып,  безгә юлларга тиешләр иде. Бәйгегә видеолар кабул итүне 25 апрельдә туктаттык. Анда катнашучылар саны 130 булды. Без җиңүчеләрне дә билгеләдек инде. Аларның исемнәре 28 апрельдә 14.00 сәгатьтә «Сарман» кинотеатрында үткәреләчәк чарада игълан ителәчәк. Без бәйгедә катнашучыларны кинотеатрда көтеп калабыз.