Денис Байгаровка истәлек тактасы куелды

"Сарман: иң яңа хәбәрләр", 22 август 2022 - 17:31

1038

Яр Чаллы шәһәрендә туып, Сарман районы Александровка авылында урта белем алган Денис Геннадий улы Байгаровның, Украинада барган хәрби хәрәкәтләрдә катнашып, батырларча һәлак булуы хакында без хәбәр иткән идек инде. Вафатыннан соң ул Батырлык ордены белән бүләкләнде. Бүген Александровкада герой истәлегенә такта куелды. Тантанага аның тормыш иптәше Екатерина Александровна, балалары, туганнары да кайтканнар иде. Чарада район башлыгы Фәрит Хөснуллин, Денис Байгаровның укытучылары, авылдашлары, райондашлары катнаштылар.