Район имам-мөхтәсибе Сәид хәзрәт Хаков сарманлыларны Корбан гаете белән котлый

Хөрмәтле райондашлар!

Сезне чын күңелдән Бөек Корбан бәйрәме белән тәбрик итәм. Бу мөбарәк бәйрәм һәрберебездә иман нурын арттыра, изгелекләргә омтылу хисләрен уята. 
Аллаһы Тәгаләнең рәхмәте белән, районыбызда дини тәрбия көчәя, ата-бабаларыбыздан мирас булып калган иман юлына райондашларыбыз елдан-ел күбрәк кайта, дини бәйрәмнәребезгә игътибар артканнан-арта бара. Мәчетләрдә яшь буынның күпчелек булуы да – сөенечле хәл. 
Халкыбыз Корбан бәйрәменә дә ныклы хәзерлек күрә. Алдан ук корбанлыкларын әзерли, корбан чалып, игелек кылып, башкаларны сөендерә, аларга шатлык бүләк итә. 
 Корбан бәйрәме мөбарәк булсын! Аллаһы Тәгалә барыбызга да бәхет-сәгадәт, тынычлык, саулык-сәламәтлек насыйп итсә, рухи кыйммәтләрне ныгытуда ярдәмен бирсә иде!