Фазуллиннар алтын туйларын бәйрәм итәләр

- Без өйләнешкән көнне яңгыр яуган иде. Ул көнне яхшы хәтерлим мин, - диде гаиләгә муллык алып килгән килен Сәрия апа. 
Чыннан да, тырыш, әле дә эшсез торуны белмәгән парлар ярты гасыр иңне-иңгә куеп, бер-берсен хөрмәт итеп, аңлап яшиләр. Ике кыз тәрбияләп үстереп, аларга югары белем алырга ярдәм итәләр, олы тормыш юлына чыгаралар. Бүгенге көндә аларның гаиләләренә, оныкларга терәк булып, үрнәк гомер кичерәләр. Алтын юбилярларны район башлыгы Фәрит Хөснуллин тәбрикләде, изге теләкләрен җиткереп, Рәхмәт хаты, чәчәк бәйләме, истәлек бүләкләре тапшырды. Район Башкарма комитеты җитәкчесе урынбасары Индира Сәхипова, район ветераннар Советы рәисе Асыляр Харисов, ЗАГС бүлеге начальнигы Гөлчәчәк Вәлишина, якыннары да Зөфәр абый белән Сәрия апага тигез гомер, бәхет, сихәтлек теләделәр.