Сарман балалары шигырь дә сөйлиләр, җырлыйлар да

"Сарман: иң яңа хәбәрләр", 3 гыйнвар 2022 - 15:12

802

Бүген Сарманның Куйбышев урамындагы 74, 76, 78 нче йортлары каршында “Һәр йортта балкысын Яңа ел утлары” дигән исем астында үткәрелгән ишегалды бәйрәмендә Сарман балалары шигырь дә сөйләделәр, җыр да җырладылар.

- Яңа елга алар бик ныклап әзерләнделәр, шигырьләр ятладылар, җырлар, биюләр өйрәнделәр, - диделәр аларның әти-әниләре, әби-бабалары.
Сарманга каникулга кунакка кайткан балалар да алардан калышмадылар. Артур белән Мәликә әби-бабалары янына - Әлмәттән, Алмаз, Азат, Рания Сарманның аръяк урамыннан килгәннәр иде.
- Бәйрәм бик ошады. Безнең урамында да шундый бәйрәм үткәрелсен иде, - диделәр алар.
Зөлфия Шәрипова язмасы, фотолары, видеолары