Районда ягулык чорына әзерлек башланды

"Сарман: иң яңа хәбәрләр", 8 август 2022 - 20:51

677

Бу хакта район Советында узган эшлекле киңәшмәдә җитди сөйләшү булды.

“Объектларны 2022-2023 еллар ягулык чорына әзерләү” соравы буенча иң элек район Башкарма комитеты җитәкчесенең инфраструктур үсеш буенча урынбасары Айрат Гайфутдинов чыгыш ясады. Теманы “Сарман” идарәче компаниясе директоры Алмаз Мәүләвиев, Азнакай җылылык челтәре предприятиесе энергорайоны начальнигы Радис Ризатдинов дәвам иттеләр һәм башкарылган эшләргә тукталдылар. Узган уку елы нәтиҗәләре һәм яңа 2022-2023 уку елына әзерлек хакында мәгариф бүлеге начальнигы Гөлшат Идрисова сөйләде.
Киңәшмәне район башлыгы Фәрит Хөснуллин алып барды.