Даулы болын кунаклар каршы алды

"Сарман: иң яңа хәбәрләр", 10 июнь 2023 - 16:54

749

Бүген Сарманның иң матур урынына урнашкан Даулы болында район Сабан туе үткәрелде.

Болын бәйрәм кунакларын матур итеп бизәлеп каршы алды. Сабан туенда район халкы гына түгел, бик күп кунаклар, шул исәптән мәртәбәле кунаклар да катнашты. Алар иң элек район оешмалары, агрофирмалар, авыл җирлекләре әзерләгән өйләрне карадылар. Аларны һәркайда күпереп пешкән икмәк, чәкчәк, җыр һәм бию белән каршы алдылар. Кунакларны район башлыгы Фәрит Хөснуллин озатып йөрде.
Чыгышларда быелгы елның Милли мәдәниятләр һәм гореф-гадәтләр, шулай ук Педагог һәм остаз еллары икәнлеге дә ассызыкланды.