“Батырлар төбәге”ндә районыбыз егетләре дә җиңүләр яуладылар

"Сарман: иң яңа хәбәрләр", 18 июль 2022 - 10:31

1098

16 июль көнне Минзәлә районының Бикбау авылында “Батырлар төбәге-2022” дигән III төбәкара хәрби-спорт һәм иҗат фестивале үткәрелде. Аны Актаныш егете Илдус Газизов белән бергә районыбызның Бөек Ватан сугышы һәм туган якны өйрәнү музее директоры Дания Кәшипова алып барды. Фестивальдә районыбыз егетләре дә катнаштылар, сәнгатькә осталыкларын күрсәттеләр, спорт уеннарында призлы урыннар алдылар, җиңүләр яуладылар.