«Сарман» агрофирмасы комбайнчысы иң күп уңыш җыйган
Хәзерге комбайннарга карагач: «Болар үзләре йөридер инде, аларда кем дә эшли ала», - дип уйлап куючылар бар.
Әмма моның белән бик килешеп бетеп булмый. Комбайнда эшләгәндә дә, тәҗрибәсез булмый. Игенчеләр «тимер ат» белән ничек эшләргә икәнен үзләренең биш бармагы кебек беләләр. Шундыйларның берсе – Әлмәт авылыннан Дамир Гайнуллин («Сарман» агрофирмасы). Комбайн штурвалы артында чагыштырмача озак эшләмәсә дә, ул шундук хезмәттәшләре арасында хөрмәт яулап ала. Быелгы урып-җыю кампаниясендә дә ул беренче көннәрдән үк алдынгылар рәтенә чыга. 9 августка булган күрсәткечләр буенча, алдынгы механизатор комбайны белән иң күп уңыш җыйган. Әлеге сан 14897 центнер тәшкил итә.
Алдынгы комбайнчы турында тулырак язманы район газетасының 12 август саныннан укый алачаксыз.
Следите за самым важным и интересным в Telegram-каналеТатмедиа
Нет комментариев