“Үсентеле атна” җиңүчесе Айсылу Билалова – даими абунәчебез

Агымдагы елның икенче яртыеллыгы өчен язылып, ул бүләккә чәчәк үсентеләре алды.
- “Сарман”ны шактый еллар алдырабыз һәм яратып укыйбыз. Әнинең дә яраткан газетасы ул. Бигрәк тә анда бастырылган рецептлар, файдалы киңәшләр кызыклы. Котлаулардагы матур сүзләрне үзебез өчен алып та куябыз. Райондашлар арасындагы таныш кешеләр турындагы язмаларны кызыксынып укыйбыз. Гомумән, район хәбәрләрен газетадан белеп барабыз, - диде Айсылу Нәфис кызы.
Икенче җиңүчебез Фәйрүзә Шириязданова да газетабызның бай эчтәлекле, кызыклы булуын әйтте.
“Үсентеле атна”ның спонсоры – “БукетИК” кибете хуҗасы Сөмбел Солтанова.