XIII Халыкара татар теле һәм әдәбияты олимпиадасы Казанда старт ала
13-16 апрельдә Казан шәһәрендә татар теле һәм әдәбияты буенча XIII Халыкара олимпиада уздырылачак. ТР Мәгариф һәм фән министрлыгы матбугат хезмәте хәбәр итүенчә, чарада Россиянең 30 төбәгеннән һәм 5 чит илдән барлыгы 500гә якын катнашучы көтелә, дип яза «Татар-информ» МА.
Быелгы интеллектуаль бәйге Габдулла Тукай иҗатына багышлана. Олимпиадада республика һәм төбәкара турларда уңышка ирешкән укучылар, шулай ук интернет-тестлар һәм әңгәмәләр узганнар катнаша ала. Финалга үткән конкурсантлар жюри алдында Тукай һәм Муса Җәлил иҗатына кагылышлы проектларын тәкъдим итәчәк.
Олимпиаданың ачылу тантанасы 13 апрельдә 18:00 сәгатьтә Кәрим Тинчурин исемендәге Татар дәүләт драма һәм комедия театрында уза. Төп сынаулар «Байтик» балалар савыктыру-белем бирү комплексында оештырылачак.
Ярышлар 16 апрельдә «Корстон» сәүдә-күңел ачу үзәгендә узачак Туган тел форумы белән тәмамлана.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев