Татарстанда урманнарны торгызуга финанслау 1,5 тапкырга артачак

Бу күрсәткеч 2025 ел белән чагыштырганда 44 процентка күбрәк. ТР Урман хуҗалыгы министрлыгы хәбәр иткәнчә, әлеге финанслар «Экологик иминлек» илкүләм проекты кысаларында урманнарны торгызу, орлыклар әзерләү һәм яңа янгынга каршы техника сатып алуга юнәлтеләчәк.

Узган елның нәтиҗәләре буенча, республикада гомуми мәйданы 5335 гектар булган җирдә яшеллек торгызылган. Ведомство җитәкчесе Равил Кузюров билгеләп үткәнчә, киселгән һәм һәлак булган урманнар урынына яңаларын утырту планы 150 процентка үтәлгән. Шул ук вакытта, 2025 елда республикада бер урман янгыны да теркәлмәгән, бу — төрле ведомстволарның һәм муниципаль органнарның бердәм эше нәтиҗәсе. Бүген Татарстан питомникларында киләчәктә утырту өчен 32,6 миллионнан артык яшь үсенте үстерелә.