Сөлектән Хәния апа 100 яшенә дә чакыра

"Сарман: иң яңа хәбәрләр", 2 март 2022 - 14:31

1277

Бүген Сөлек авылында яшәүче Әгъләмова Хәния Гыйльмулла кызына 90 яшь тулды.

Аны олуг юбилее белән район башлыгы урынбасары Гүзәл Гәрәева, Шәрләрәмә авыл җирлеге башлыгы Наилә Хуҗина, «Шәфкать» халыкка социаль хезмәт күрсәтү үзәге Гөлнара Хуҗина, авыл җирлеге ветераннар советы рәисе Роза Шәйгарданова котладылар, бүләкләр, Россия Президенты Владимир Путинных котлау хатын тапшырдылар.
Хәния апа Югары Чыршылы авылында туган. Күмәк хуҗалыкта төрле эшләрдә хезмәт куйган. Тормыш иптәше Кәшиф абый – сугыш ветераны, аның белән бергә 54 ел бергә тормыш итәләр, ире 2010 елда вафат була. Биш бала үстерәләр, кызганыч, ветеран ике баласын җирләргә өлгергән. 11 оныгы, 16 оныкчыгы бар. Хәзерге вакытта Хәния апа кызы Сәрия тәрбиясендә яши. «Ана даны» медале белән бүләкләнгән.
Тулырак язманы район газетасының алдагы саннарыннан укый аласыз.