Сарманлылар улларын бәйрәм белән котлыйлар

Сарманлылар да үзләренең улларын әлеге бәйрәм белән тәбрик итәләр.

Һәрбер улга бәхет-тәүфыйк, һәр ата-анага балалар шатлыгы, аларның мәрхәмәтен телибез. Улларыбыз ничә яшьтә булуга карамастан, алар безнең газизләребез, нәниләребез булып калалар.

Бу бәйрәмне һәр ир-егет билгеләп үтә ала торгандыр, чөнки һәр ир-егет - кемнеңдер кадерле улы. Шулай ук малайлар тәрбияләп үстерүче әти-әниләр өчен дә бәйрәм бу.

Бу датаның үзенә хас традицияләре формалашмаган әле, шуңа да аның хакында күпләр белми. Бу көнне әти-әниләр үз улларын тәбриклиләр. Уллары үзләрен якты дөньяга тудырган әти-әниләренә рәхмәт белдерәләр.