Сарман гимназиясенең «беренчеләр»е «Әлифба»ны укып бетерделәр

“Әлифба бөйрәме – кечкенәләрнең яртыеллык эшенә йомгак ясау ул. Әле кайчан гына кулларына чәчәк бәйләмнәре тотып беренче тапкыр мәктәп бусагасын атлап кергәннәр иде. Хәзер инде алар укырга, язарга, матур итеп сөйләргә, хикәяләр төзергә өйрәнделәр”, – дип котлады аларны укытучылары Гөлнара Һадиуллина. Нәни укучыларны директорның укыту процессы буенча урынбасары Эльза Хәйруллина, әти-әниләре дә тәбрикләделәр. Аннан соң укучылар үзләренең һөнәрләрен күрсәттеләр: матур итеп җырладылар, биеделәр, берсеннән берсе матур шигырьләр сөйләделәр. Бәйрәм күңелле узды.