Саклаубаш мәктәбендә студентлар белән очрашу кичәсе үтте

Саклаубаш мәктәбендә студентлар белән очрашу кичәсе узды. Ел саен шушы вакытта уза торган бу чараны укучылар түземсезлек белән көтеп алалар. Төрле елларда мәктәпезне тәмамлаган укучылар белән очрашу балаларга үзләренә уку йорты, һөнәр сайлаганда зур этәргеч булып тора. Студентлар үзләре белем ала торган уку йортлары белән таныштырдылар, укучыларга киңәшләрен, теләкләрен җиткерделәр, укытучылар коллективына ныклы белем биргәннәре өчен рәхмәт белдерделәр. Очрашу җыр-бию, уеннар белән аралашып, бик кызыклы атмосферада узды.