Ноябрьдә Татарстанда иң кыска эш атнасы көтелә

"Сарман: иң яңа хәбәрләр", 7 август 2026 - 09:36

147

Быел ноябрь аенда Татарстан халкын өч көнлек эш атнасы көтә – аның ике көне кыскартылган булачак. 2–8 ноябрь аралыгында эш көннәре – 2, 3 һәм 5 ноябрьгә туры килә, дип яза «Татар-информ» МА.

3 ноябрь Халыклар бердәмлеге көне (4 ноябрь) алдыннан кыскартыла. 5 ноябрь дә кыска көн була, чөнки аннан соң 6 ноябрьдә Татарстан Конституциясе көне билгеләп үтелә. 7–8 ноябрь шимбә һәм якшәмбегә туры килә.

Биш көнлек эш графигында 2026 елда республикада 244 эш көне һәм 121 ял көне көтелә.