Матбугат үзәгеннән көн рецепты – тутырылган батон

Сезгә тутырылган батон рецептын тәкъдим итәбез.

Кирәк булалар:

- батон - 1 данә;

- кәтлит - 2-3 данә;

- тавык йомыркасы (пешерелгән) - 2 данә;

- яшеллек, маринадланган кыяр, кетчуп яки соус - тәм буенча;

- сыр - берничә телем.

Батонны кичтән ясый башлыйбыз. Аны урталай кисәбез, йомшагын алабыз, кетчуп яки соус белән сылыйбыз.

Кәтлит, йомырка һәм кыярны кисәбез. Бар ингредиентларны да катлам итеп салабыз.

Батонның яртыларын кушабыз. Пергаментка төрәбез һәм суыткычка төнгә пресс астына куябыз.

Иртән, турап, үзең белән аласы гына кала.