Җәлилдә күргәзмә ачылды

"Сарман: иң яңа хәбәрләр", 26 август 2021 - 13:14

806

Күчмә күргәзмә агымдагы елның 19 сентябренә кадәр эшләячәк.

Җәлил мәдәният сараенда ТАССРның 100 еллыгына багышланган күргәзмә эшли башлады. Аны бүген ТР Мәгариф һәм фән министрының беренче урынбасары Андрей Поминов, район башлыгы Фәрит Хөснуллин карадылар. Күчмә күргәзмә агымдагы елның 19 сентябренә кадәр эшләячәк, андагы мәгълүмат белән теләгән һәркем таныша ала. Татарстан тарихы, күренекле шәхесләр тормышы турында өстәмә белемнәр алу файдага гына булыр.