Җәлил укучыларында табигатькә мәхәббәт тәрбиялиләр

"Сарман: иң яңа хәбәрләр", 23 апрель 2022 - 11:56

1188

Халыкара Җир көне алдыннан икенче санлы Җәлил мәктәбендә табигатьне чүпләмәү, аны пычратудан саклау турында әңгәмәләр оештырылды.

6 нчы сыйныфлар өчен Экология дәресләре үткәрелде. Ә 5 нче сыйныф кызлары технология дәресендә бу проблемага бераз башка яктан якын килделәр: фантазия, зирәклек, Җиребезне сакларга омтылу, юмор бергә кушылды да «Экокостюм- 2022» бәйгесендә катнашу килеп чыкты. Һәркем үз костюмын яклады, ни өчен шушы материалларны сайлавын аңлатты, дефиле оештырды. Чараның максаты – балаларның, өлкәннәрнең игътибарын табигатьне саклау проблемаларына юнәлдерү иде.
Барлык сыйныф укучылары «Чиста пәнҗешәмбе» акциясенә дә кушылды