Өчөйле Саклауда "Әдәби календарь" дигән китап күргәзмәсе оештырылды

Укучыларда матур әдәбиятка,китапка мәхәббәт тәрбияләү,тел байлыкларын үстерү, дөньяга карашын киңәйтү йөзеннән Өчөйле Саклау авыл китапханәсендә "Әдәби календарь" дип исемләнгән китап күргәзмәсе эшләнде. Күргәзмә янында шагыйрь Һади Такташның тууына - 115 ел, язучы Адлер Тимергалинның тууына - 85 ел, язучы Гомәр Бәшировның тууына- 115 ел тулу уңае белән "Җан азыгы - китап" дигән исемдә күзәтү үткәрелде. Укучылар язучыларның тормыш, иҗат еллары белән таныштылар.

Мәгълүмат һәм фото район үзәк китапханәсенең ВКонтакте челтәрендәге төркеменнән алынды.