Атлар җилдән җитез чаптылар

Чабышлар берничә төркемдә алып барылды. Чиста токымлы юртаклар ярышында I урынны – Калифорния кушаматлы ат (Рамил Хафизовның крестьян-фермер хуҗалыгыннан, йөртүчесе – Рамил Хәмәдиев), II урынны – Неопаль кушаматлы ат (хуҗасы һәм йөртүчесе Илфат Сабиров), III урынны Афттомат кушаматлы ат (хуҗасы һәм йөртүчесе – Айдар Зиннуров, Мөслим районы) алды. Чиста токымлы менге атлар ярышында финишка беренче булып – Смарт Риквес кушаматлы ат (Башкортостан, хуҗасы – Фаил Әлтәпов, җайдагы – Шамил Ходайкулов), икенче булып – Теран кушаматлы ат (Азнакай, хуҗасы – Азамат Җиһангиров, җайдагы – Айдар Идиятуллин), өченче булып Стойкая кушаматлы ат (Петровский Завод, хуҗасы һәм йөртүчесе – Федор Кондратьев) килде.

Җирле менге атлар ярышында I урынга – Эммануэль кушаматлы ат (Азнакай, хуҗасы – Азамат Җиһангиров, йөртүчесе – Таһир Мөхәммәтов), II урынга – Грааль кушаматлы ат (Зәй, хуҗасы – Мансур Гыйздәтуллин, йөртүчесе – Ансар Гыйздәтуллин), III урынга – Гамбит кушаматлы ат (Петровский Завод, хуҗасы һәм йөртүчесе – Федор Кондратьев), IV урынга Лейла кушаматлы ат (Тукай районы, хуҗасы һәм җайдагы – Рифат Гафиятуллин) лаек булды.