Александровкада Май чабу бәйрәмен билгеләп үттеләр

Бигрәк актив инде бу Александровка авыл җирлеге халкы. Төрле милләт вәкилләре дус-тату яшәү үрнәге күрсәтеп, бәйрәмнәрен дә һәрчак бергә оештыралар. Масленица - Май чабу бәйрәмен генә күрегез: русы, керәшене, татары, башка милләт кешеләре олысы-кечесе бер мәйданга бердәм булып күңел ачарга, уйнарга, җырларга, биергә, ял итәргә, аралашып, гәпләшеп алырга, күмер самоварыннан коймак белән чәй эчәргә җыелганнар бит! Бу бәйрәм христианнарның Олы уразасына әзерлек атнасында үткәрелә. Ул - туганнар белән аралашу, дус һәм ярдәмләшеп яшәү, үпкәләр булса, оныту, кичерү, игелеклелек бәйрәме.

Бәйрәм хакында тулы язманы газетабызның чираттагы санында укырга мөмкин.