14 октябрьгә һава торышы һәм ай календаре

14 октябрьдә Татарстанда аязучан болытлы, явым-төшемнәрсез һава торышы булачак. Көньяк-көнбатыштан уртача тизлектә җил исәчәк. Төнлә һава температурасы +5..+10˚, аязганда 0..+5˚, көндез +14..+19˚ градус.

 Кимүче ай, ай кыз йолдызлыгында.

Салкыннарга чыдам берьеллык чәчәкләрне кышлыкка утыртып калдыру өчен уңай чор. Туфракта кышлый торган корткыч бөҗәкләрне һәм чүп үләннәрен бетерү өчен, кәсләрен ватмый гына туфракны казырга кирәк.

Әгәр температура тотрыклы рәвештә - 5-8 градус тирәсендә тора икән, роза куакларын кышлыкка каплап, ябып куярга кирәк.