Гөлгенә апаның 95 яшен дә бергәләп бәйрәм иттек

"Сарман: иң яңа хәбәрләр", 20 июнь 2021 - 13:13

973

Моннан биш ел элек Күтәмәле авылына Мортазина Гөлгенә Сәлах кызын 90 яше белән котларга барган идек.

Бүген ул 95 яшен бәйрәм итәргә якыннарын бер ояга җыйган. Олуг юбилее белән ветеранны район җитәкчелеге дә тәбрикләде. Район Башкарма комитеты җитәкчесе Фәндәс Вәлиев Гөлгенә апага Рәсәй Президенты Владимир Путинның Котлау хатын һәм район башлыгы исеменнән истәлек бүләге тапшырды. Авыл җирлеге башлыгы Рөстәм Гәрәев, "Шәфкать" үзәге директоры Гөлнара Хуҗина, авыл җирлеге һәм район Советы депутаты Альбина Сабирова, ветераннар советы рәисе Әлфия Галиева, балалары, кияүләре, онык-оныкчыклары да юбилярга изге теләкләрен җиткерделәр.