Ләке ир-егетләрен бәйрәм белән искезәйлеләр тәбрикләделәр

Кичә Ләке авылы мәдәният йортында Иске Зәй шәhәренең сәнгать осталары бик эчтәлекле концерт программасы белән чыгыш ясадылар. Ул "Әтием - горурлыгым" дип аталды hәм Ватан сакчысы көненә багышланды. Чараны Татарстанның атказанган мәдәният хезмәткәре Гүзәлия Гатина алып барды. Ике сәгатьтән артык барган бәйрәм концерты бер сулышта узды. Ләке hәм җирлек кунаклары дәртле биюләр карап, берсеннән-берсе матур җырлар тыңлап хозурландылар, фольклор ансамбльләре чыгышларын да көчле алкышларга күмделәр. Авыл җирлеге башлыгы Лилия Шәрипова ут күршеләргә хөрмәт сүзләре җиткереп, Рәхмәт хаты тапшырды.