Районда балаларны юлларда игътибарлы булырга өндәделәр

Шул уңайдан ЮХИДИнең район бүлекчәсе һәм «Юл хәрәкәте иминлеге» дәүләт бюджет учреждениесе хезмәткәрләре, сыйныф җитәкчеләре, ФОРПОСТ отряды вәкилләре мәктәпләрдә әти- әниләр һәм укучылар белән очрашулар үткәрделәр.

Профилактик әңгәмәләр барышында юлларда үз-үзеңне имин тоту буенча инструктаж үткәрелде, балалар катнашында булган аварияләрнең төп сәбәпләре турында мәгълүмат бирелде. Караңгыда урамда йөргәндә киемгә яктылык кайтаргыч элементлар тагуның зарурлыгы, автомобильдә барганда иминлек каешларының һәрвакыт эләктерелгән булырга тиешлеге, 14 яше тулмаган балаларга велосипедта урамның машиналарның йөри торган өлешенә керергә ярамаганлыгы, юл билгеләренә һәрчак игътибар итәргә кирәклеге аңлатылды, тормыштан мисаллар китерелде һәм видеоролик күрсәтелде.

Фотолар район Башкарма комитетының мәгариф бүлегенең ВКонтакте челтәрендәге төркеменнән алынды