Сарман районында ярминкә гөрли

"Сарман: иң яңа хәбәрләр", 10 сентябрь 2021 - 09:59

959

Халык иртәдән үк сәүдә нокталарына ашыкты.

Бүген, 10 сентябрь көнне, район үзәгендәге зур базарда иртәдән үк җанлылык хөкем сөрде - анда авыл хуҗалыгы продукцияләреннән ярминкә оештырылды. Халык иртәдән үк сәүдә нокталарына ашыкты. Күпләрне, әлбәттә, бәрәңге, суган, кишер кебек яшелчә кызыксындыра иде. Аларны капчыклап кына алдылар. Сатып алучыларны шулай ук сыер, тавык ите, каймак, җиләк-җимеш кебек ризыклар да җәлеп итте. Салам, печән кебек мал азыгына да сорау бар иде. Мәдәният хезмәткәрләре дә ярминкәгә зур ямь, күңеллелек бирделәр – ярминкә мәйданында иң дәртле, иң матур җырлар яңгырады.

Ярминкә эше белән район башлыгы Фәрит Хөснуллин танышты, бәяләр белән кызыксынды.