Җәлил китапханәсендә балалар өчен блиц-турнир үткәрелде

20 октябрьдә Әдәбият елы уңаеннан Җәлил китапханәсенең балалар бүлегендә икенче санлы мәктәпнең алтынчы сыйныф укучылары өчен "Якташларыбыз иҗатын беләсеңме?" дигән блиц-турнир үткәрелде, "Якташларыбыз иҗаты" дип аталган китап күргәзмәсе оештырылды. Күргәзмәдә 20ләп якташ язучыларыбызның әсәрләре урын алды. Балалар "Шушы яктан, шушы туфрактан" исемле презентация карадылар, китап күргәзмәсе белән таныштылар, викторина сорауларына җавап бирделәр, табышмаклар бәйгесендә катнаштылар, шигырьләр сөйләделәр. Китапханә кунагы ,"Җәлил чаткылары" әдәби-иҗат берләшмәсе әгъзасы Әнвәр Төхвәтуллин үзенең иҗаты турында бик кызыклы итеп сөйләде, балаларның сорауларына җавап бирде. Актив укучылар призлар белән бүләкләнде.

Фоторепортаж