Кәүҗияктә Мәүлид бәйрәме үткәрелде

9 нчы ноябрьдә Кәүҗияк агрофирмасы ашханәсендә Мәүлид бәйрәме үткәрелде.

Бәйрәмгә мәчеткә йөрүчеләр бик ныклап әзерләнделәр. Әлеге чарада катнашучылар Пәйгамбәребез Мөхәммәд галәйһиссәләмнең кыскача тарихы, аның васыятьләре, могҗизалары, Шәмәил Шәрифе, Мәүлид бәйрәме тарихы, догасы, кыйссасы белән таныштырдылар. Мөнәҗәтләр, салаватлар, касыйдәләр әйттеләр.Быел мәчетебезнең намаз укый торган өлешенә халыклар үзләре теләп биргән акча хисабына бик күркәм ремонт ясалды. Муллабыз Карамов Фәнис Пәйгамбәребезнең Мәүлиден хөрмәт итеп, аны үткәрергә ярдәм иткән, бәйрәмне үткәрүне оештырган авыл җирлеге башлыгы Фиргат Әхсән улына, абыстаебыз Саимә Әхмәт кызына ,ашханә пешекчеләренә, бюджет өлкәсендә эшләүче хезмәткәрләргә, мәчетебезне тотуга үз өлешләрен керткән һәм күчтәнәчләрен алып килеп шушы мәҗлестә катнашкан һәммә кешегә зур рәхмәтләрен җиткерде.

Бәйрәм мул табын артында дәвам итте. Соңыннан тантанада катнашучылар мәчеткә барып өйлә намазы укыдылар. Быел мондый чара зурлап алтынчы тапкыр үткәрелде. Киләсе елларда да Мәүлид бәйрәмендә исән-сау очрашсак иде дигән теләктә калып саубуллаштылар.

 

Ветераннар Советы рәисе Шакирова Фәүзимә

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 13 апрель 2021 - 09:54
    Башкортстан кызы Лилия Шагалеева туган телендә Газиз Әбделмәновның шигырен укый!
  • 25 март 2021 - 14:07
    Фирдүс Тямаев Сарайлы авылына кабат кайтачак
  • Сез чүп-чарны сортларга бүләсезме? .
    8 кеше тавыш бирде
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.