«Нөркәй» агрофирмасы комбайнчысы бишкөнлек саен призлы урын ала

Тик бу, башка хуҗалыкларда яшьләр юк, дигән сүз түгел. Күптән түгел генә «Нөркәй» агрофирмасында игенчелектә хезмәт юлын башлап җибәргән Карашай-Саклау авылы егете Айназ Миңнуллин — шуның ачык мисалы.

— Бер ел дәвамында комбайнчы ярдәмчесе буларак тәҗрибә җыйдым. Менә инде икенче урып-җыю кампаниясендә үзем төп комбайнчы булып эшлим. Миңа ошый, авыр түгел, — диде ул. 

Күпчелек авыл хуҗалыгы белгечләре кебек үк, Айназ Сарман аграр көллиятендә укыган, автомеханик һөнәрен үзләштергән. Көллияттә алган белемнәре аңа алдагы тормышында бик кирәк булган. 

— Хәзерге вакытта мин Яр Чаллы шәһәрендә яшим. Урып-җыю сезонына туган ягыма кайтам, комбайнга утырам. Төп эшем йөк ташу машиналары белән бәйле — мин аларда төрле җирләргә рейслар ясыйм, — дип дәвам итте Айназ.
Тулырак язманы район газетасының 11 август саныннан укый алачаксыз.