Зур Нөркәйдә әфганчы Рамил Әбделминов яшәгән йортка истәлек тактасы беркетү тантанасы үтте

Зур Нөркәйдә әфганчы егет Рамил Әбделминов яшәгән йортка истәлек тактасы беркетү тантанасы булды. Башкортстаннан, Тукай, Мөслим районнарыннан килгән кунакларны, авыл халкын район башлыгы Фәрит Хөснуллин исеменнән Башкарма комитет җитәкчесе урынбасары Индира Сәхипова, Сарман һәм Мөслим районнары буенча хәрби комиссариат начальнигы Дашгын Гасанов сәламләделәр. Әфганчылар берлегеннән җитәкчеләр, Рамилнең әнисе Люция апа, классташлары чыгыш ясадылар. Башкортстанның "Яшел беретлар" ансамбле чыгышы һәркемне дулкынландырды. Әлеге очрашу патриотик рухта үтте, укучыларга батырлык дәресе булды. Соңыннан әфганчы якташыбызның каберенә тере чәчәкләр салынды.