Зур Нөркәй мәктәбе китапханәчесе Бөтенрәсәй бәйгесенең призеры булып танылды

"Сарман: иң яңа хәбәрләр", 15 декабрь 2025 - 17:39

178

Агымдагы елның август-декабрь айларында Россия Федерациясе Мәгариф министрлыгы һәм “Белем” Россия җәмгыяте” “Иң яхшы мәктәп педагог-китапханәчесе” Бөтенрәсәй бәйгесе оештырдылар.

Анда барлыгы 2832 катнашучы булып, шуларның 300е финал этабына үтте. Шулар исәбендә Татарстаннан 17 катнашучы була. Сарман районы Зур Нөркәй мәктәбенең педагог-китапханәчесе Зилия Сәхбетдиновага да уңыш елмая. Ул Бөтенрәсәй һөнәри осталык бәйгесенең призеры булып таныла. Без райондашыбызны тәбриклибез һәм киләчәктә дә уңыш юлдаш булуын телибез.