Янурыс авыл җирлегендә җыештыру эшләре башланды 

Кичә-бүген авыл җирлегендә урнашкан оешмалар катнашында авыл яныннан узучы Сарман - Яр Чаллы трассасы тирәлекләре чистартылды, басу-кырларга очкан чүпләр җыелды. Барлыгы 300ләп капчык чүп тупланды. 
- Өмәләр көн саен дәвам итәчәк. Аншлаглар, баганалар буяласы, авыл эчендәге территория җыештырыласы бар. Мәдәният йорты ишек алдында булачак ял мәйданчыгы урыны вак куаклардан чистартылачак, - ди җирлек башлыгы Азия Мөхәммәдиева.