Янурыс авыл җирлеге башлыгы Азия Мөхәммәдиева #ПодпишиРодителей #ПодпишиБлизких акциясенә кушылды

"ТАТМЕДИА" җәмгыяте игълан иткән #ПодпишиРодителей #ПодпишиБлизких акциясе дәвам итә. Аңа Янурыс авыл җирлеге башлыгы Азия Мөхәммәдиева да кушылды. Почта бүлекчәләрендә узучы "Игелек агачы" акциясендә дә катнашу йөзеннән ул Янурыс авылының - 9, Каташ Каранда яшәүче 5 ветеранны район газетасына яздыртты.

- "Сарман" газетасына һәр яртыеллыкта язылабыз. Гаиләбез белән бик яратып укыйбыз. Иң беренче булып пенсионер әтиебез яңалыклар белән таныша. Республика, район хәбәрләрен үз вакытында белеп торабыз. "САРМАН": иң яңа хәбәрләр!" төркемен, сайттагы яңалыкларны һәрдаим күзәтеп барабыз, фикерләрне язып калдырабыз. Газета битләрендә, сайтта үзебезнең җирлек, башкарылган эшләр турында укуы бик күңелле, - ди ул.