Якыннарны сөендерә белергә кирәк

“Казан утлары” китапханәсеннән булган китаплар Сарман матбугат үзәгенә әледән-әле кайтып торалар. Кесәгә салырга да, сумкада йөртергә дә уңайлы бу басмалар бүләккә дә бик яхшы. 
- Әнием китаплар укырга ярата. Редакциягә яңа китаплар кайтканы хакында сайттан гел укып барам. Аларны алырга өлгерә алмый гына йөри идем. Калган булса, барысын да бирегез әле, - диде Сарман авыл җирлеге башкарма комитеты җитәкчесе Николай Сахуриев һәм әнисенә бүләккә китаплар алды. 
Матбугат үзәгенә кайткан басмаларны халык көтеп ала һәм яратып укый. Укырга теләгәннәргә җитми калса, заказ биреп, без өстәмә дә кайтартабыз. Үзегезгә, якыннарыгызга бүләк ясарга исәпләсәгез, безгә килегез, хөрмәтле дуслар, ярдәм итәрбез.