Хезмәттәшебезнең исеме Мактау тактасына кертелде

Мәгълүм булганча, Татарстанда игълан ителгән Хәрби батырлык һәм хезмәт фидакарьлеге елы кысаларында Татарстан Республикасы Рәисе Рөстәм Миңнеханов инициативасы белән, республиканың иң яхшы хезмәткәрләрен билгеләү һәм аларның һөнәри казанышларын ачыктан-ачык таныту максатыннан, “Электрон мактау тактасы” булдырылды. gordost.tatar.ru цифрлы платформасында меңләгән кешенең фоторәсемнәре, хезмәт казанышлары урнаштырылган. Проект лауреатлары арасында безнең хезмәттәшебез – 40 елдан артык гомерен фидакарь хезмәткә багышлаган “ТАТМЕДИА” җәмгыятенең “Сарман-информ” филиалы версткалау операторы Шәймәрданова Нәзирә Гатуф кызы да бар. Бу – аның күпьеллык намуслы хезмәтенә, профессиональлегенә югары бәя.