Волейбол уены җиңүчеләре билгеле

Билгеле булганча, бүген район авыл җирлекләре ир-ат командалары арасында волейбол буенча ярышлар оештырылды. Аларда 9 команда катнашып, уеннар өч зонада үткәрелде. Финал уеннары «Айтуган» спорт залында дәвам иттеләр.

Нәтиҗәдә, Мортыштамак авыл җирлеге җыелма командасы җиңү яулады. Бик күп спорт төре буенча өстен булган җирлекнең бу юлы да сынатмаячагында шик юк иде. Икенче урынны Чукмарлы егетләре алдылар. Илексаз авыл җирлеге волейбол уйнау осталары өченче урынны яуладылар.