Татарстанда урман торгызу күләме 1,7 мең гектарга җиткән

Эшләрнең күпчелеге – 1 135 гектары – «Экологик иминлек» илкүләм проектына керүче «Урманнарны саклау» федераль проекты буенча гамәлгә ашырылган.

Урман торгызу төрле юллар белән алып барылган: ясалма рәвештә – 1 200 гектарда, табигый ысул белән – 525 гектарда, ә 2 гектарда катнаш ысул кулланылган.

Алга таба да эшләр дәвам итә. Министр урынбасары Илгизәр Зарипов билгеләп үткәнчә, урманнарны табигый юл белән торгызу буенча чаралар җәй-көз ахырына кадәр сузылачак. Бу максатта 823 гектарда туфракны минеральләштерү, участокларда табигый үсентеләрнең яхшы үсешен тәэмин итү һәм агач кисү эшләре вакытында яшь агачларны саклап калу күздә тотыла.

Илкүләм проект шулай ук урман орлыкларын әзерләү, орлыкчылык объектларын карау һәм урман культураларын хуҗалык өчен кыйммәтле токымнар рәтенә күчерү бурычларын да үз эченә ала.

Зарипов фикеренчә, бу чаралар урман ресурсларын сакларга һәм мулландырырга, экологик тигезлекне булдырып тотарга, шулай ук урман хуҗалыгын озак елларга үстерүгә ярдәм итәчәк.

Искәртеп узабыз: «Татарстан Республикасында урманнарны саклау» төбәк проекты 2025 елдан «Экологик иминлек» илкүләм проекты эчендә эшли.

Фото: «Татар-информ», Солтан Исхаков