Татарстанда соңгы дүрт елда никахлашулар саны 12 процентка кимегән

Бу хакта ТР Министрлар Кабинетының ЗАГС идарәсе башлыгы Эльвира Әхмәтова хәбәр итте, дип яза «Татар-информ» МА.

Статистика мәгълүматларына караганда, туйлар саны елдан-ел кими барган, әмма узган елда никахлашучылар бераз күбәйгән:

 * 2022 ел: 27 428 никах;

 * 2023 ел: 25 219 никах;

 * 2024 ел: 23 683 никах;

 * 2025 ел: 24 097 никах (алдагы ел белән чагыштырганда күрсәткеч 1,7 процентка югарырак).

Белгечләр билгеләп үткәнчә, республика халкының күпчелеге әле дә ныклы берлек төзергә омтыла: парларның 70 проценты рәсми мөнәсәбәтләргә гомерләрендә беренче тапкыр кергән. Анализ барышында гаилә кору өчен иң популяр яшь тә билгеләнгән. Татарстанда ир-атлар бу җаваплы адымга ешрак 25 яшьтән 29 яшькә кадәрге чорда карар итә, ә хатын-кызлар арасында никахлашуның иң актив чоры 18–24 яшькә туры килә.