Татарстанда һава торышы үзгәрә: эссегә алмашка яңгырлар килә

27–28 июль. Кичен һәм төнлә яңгырлар башлыча көнбатыш районнарда узачак. 28 июль көндез явым-төшем бөтен территория буенча көтелә, урыны белән яшен, көчле җил (секундына 18–23 метр) һәм боз явуы ихтимал. Температура төнлә 16–21°, көнчыгышта 24° кадәр, көндез 23–28°, көнчыгышта 31° кадәр җылы була.

29 июль. Төнлә яңгырлар көтелми. Көндез көньяк-көнбатыш районнарга атмосфера фронты якынлаша, яшенле яңгырлар, җилнең секундына 15–20 метрга кадәр көчәюе һәм боз явуы ихтимал. Һава температурасы төнлә – 14–19°, көндез 25–30° булачак.

30 июль. Республика циклон йогынтысына эләгә. Уртача һәм көчле яңгырлар, урыны белән яшен көтелә. Температура төнлә – 14–19°, көндез – 19–24°.

31 июль – 1 август. Һава торышы тотрыксыз булачак, вакыт-вакыт яңгырлар явуы мөмкин. 31 июльдә көндез – 19–24°, 1 августта 22–27° җылы көтелә.

Гидрометеорология үзәге гражданнарга һава шартларын исәпкә алырга һәм кирәкле саклык чараларын күрергә тәкъдим итә. Районда да шундый һава торышы сакланачак.