Татарстанда Җәлил каһарманлыгына багышланган яңа фильм тәкъдим ителәчәк
12 февральдән Татарстан кинотеатрларында Радик Кудояровның Советлар Союзы Герое Муса Җәлил язмышына багышланган «Кара урман» тулы метражлы нәфис фильмы прокатка чыга.
«Татаркино» матбугат хезмәте хәбәр иткәнчә, әлеге картинада бөек шагыйрьнең тоткынлыктагы соңгы көннәре һәм аның үлеменең Нюрнберг процессында фашистларны җәзалау белән бәйлелеге беренче тапкыр экранлаштырыла. Сюжет нигезендә Муса Җәлилнең шигъриятне каршылык коралы итеп куллануы һәм ирек рухының сынмаслыгы ята. Режиссер шагыйрь тарихын мөмкин кадәр дөресрәк итеп тапшырырга омтылган.
Фильмда татар музыкасы аеруча мөһим урын алып тора: монда борынгы «Кара урман» җыры лейтмотив булып яңгырый, ә финал кадрларда корбанлык символы буларак «Умырзая» җыры һәм Коръәннән «Ясин» сүрәсе кулланыла. Картина 2024 елда Татарстан Рәисе Рөстәм Миңнеханов ярдәме белән төшерелде. Төп рольне — Муса Җәлил образын Тинчурин театры актеры Зөлфәт Закиров башкарды.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев