27 июльдән Татарстанда алмашынучан болытлы һава торышы урнашачак, дип яза «Татар-информ» МА.
ТР Гидрометеоүзәге хәбәр итүенчә, көндез аерым районнарда кыска вакытлы яңгырлар булачак, урыны белән боз явуы һәм яшеннәр булуы ихтимал.
Җил көньяк-көнчыгыштан исәчәк, аның тизлеге секундына 5-10 метрга кадәр җитәчәк. Яшен вакытында аның 15-20 метрга кадәр көчәюе дә мөмкин.
Көндез һава температурасы +31 – +36 градус тәшкил итәчәк. Районда да шундый ук һава торышы көтелә.
Нет комментариев